नयाँ नेपालको निर्माण गरौं
- भरतमणि भट्टराई
शिक्षाको ज्योति फैलाई
जनताका आँखा खोल्न मन लाग्छ ।
सन्देशको प्रबाह फैलाई
समाजबादी राज्य निर्माण गर्न मन लाग्छ ।
देशका शोषित पीडित जनताहरुलाई
दासतारुपि सांलो तोडौं भन्न मन लाग्छ ।
तर
तर पैसाले मानिसलाई आहत बनाएको छ ।
भन्सारको ग्याण्टे धनी भएको छ ।
यरपोर्टको पालेको महल ठडिएको छ ।
वन,मालपोत तथा आ एन नि ओ का कर्मचारीको त कुरै नगरौं
विदेशमा संपति,गी्रनकार्ड सहित बिलासीताको जीन्दगी बिताइरहेको छ ।
नेता जीका चर्चै नगरौं,
पुरुष सुत्केरी भएरै पनि पैसा हसुरेकै छ ।
श्रीमती,छोराछोरी र आफन्तहरु
विदेशमा राज गरिरहेका छन् ।
लौसीबारी,गौंथलीको गँुड,चाक्सीबारी जे जे भने पनि
ठूला महल र उद्योग उनैका छन् ।
रातो पासपोर्ट बेचेरै पनि
छात्रबृत्ति तथा अन्य कोटामा कुगरेरै पनि
ग्ुण्डागर्दी एवं तस्करी गरेरै पनि
छोरालाई जापान छारीलाई बेलायत साथै
फरियाका फेता गुत्नेहरुलाई अमेरिका पठाएकै छन् ।
देश यिनैले आइसके
जनतालाई पटक पटक नझुक्याऊ अब
सारा नेपालीले थाह पाइसके
रायमाझी, मल्लिक अनि कुन्नि के के आयोग
नेपालीका आँखामा छारो हाल्ने काम धेरै भइसके ।
मल्खातमा च्याउ उम्रेझैं उम्रेका पार्टीहरु पनि
स्वार्थ सिद्धिमा लागी सके ।
२३८ वर्षे शाही तानाशाहीहरु
कहिल्यै नफर्कने गरी पाखा लागी सके ।
विश्वमा कैयौं परिवर्तनहरु , तानाशाह खेद्न पनि
समाजबादी राज्य व्यवस्था स्थापित गर्न पनि
जनता सफल भइसके ।
ए नेपाली बीरहरु
जागी उठौं, आ आफ्नो ठाउंबाट जुटौं ।
छदम्भेषी छेपारेहरुलाई खेदी
सुशासानरुपि समाजबादी जनतन्त्र स्थापित गराउन
संपूर्ण थोत्रा बिसंगति र बिकृतिलाई जरै उखेल्न
जस्तोसुकै मूल्य चुकाएरै भएपनि
देश द्रोही भ्रष्टचारीलाई कठघरामा थुनी
सारा नेपालीको कल्याण गर्ने
राज्य व्यवस्था स्थापित गरौं
नयाँ नेपालको निर्माण गरौं
राष्ट्रियता,सार्वभौमिकता र स्वधिनताको
एकजुट भई संरक्षण र संबर्धन गरौं ।
भरतमणि भट्टराई
श्री रामकोट माध्यमिक विद्यालय , रुपा.७, कास्की ।
No comments:
Post a Comment