मास्टर
- भरतमणि भट्टराई
हजुरबाले दशैंमा आशिर्बाद दिदा
हजुर आमाले पढ्न जाँदा
बाआमाले क्याम्पस जाँदा
सबैजना भन्ने गर्थे
धेरै पढेस् मास्टर भएस् ।
इष्टमित्र पाहुना , मान्यजन
समाजका ठूला बडाहरु
उच्च स्वरले भन्ने गर्थे
ठूलो भएस् मास्टर भएस् ।
आज ती दिनहरु सम्झिरहन्छु
अँ साच्चै आशिर्बाद पो लागेछ कि के हो ?
ठूलो पनि भए, मास्टर पनि भए
के अचम्म हाम्रा पूर्वजहरु
भविष्यबाणी ड्याम्मै मिलाउने रहेछन् ।
के गर्ने बिडम्बना ,
त्यतिबेला सबैलाई संझाउन सकेको भए
नेता भएस् भन्न सिकाउथें होला ।
भँसारको कर्मचारी , इञ्जिनियर वा अन्य कुनै ।
पहिलेको आशिर्बाद लाग्यो अहिले
घडीको सुइसगै जिन्दगी चल्छ जहिले ।
तनखा केबल तँ नखा हुदोरहेछ ।
परिवार पाल्नलाई धौ धौ पर्ने रहेछ ।
कस्सो चmुपडी बाउले ठड्याइदिएछन् र पो ।
नत्र श्रीमती पनि लुतेलाई देखेर भाग्ने रहिछन् ।
बा भन्नुहुन्छ,बाटाघरे शिबेले बजारमा घर बनायो ।
बाआमा सबैलाई सुख कटायो ।
बाल्बच्चा इञ्जीनियर, डक्टर बनायो ।
नन्द, राम अनि घनश्यामका पनि त्यस्तै ।
बिडम्बना
मास्टर भएर होला
मेरा सन्तान दुबै कतारको टिकट लिइसके ।
बाबाको भोटो र टोपी, आमाको गुन्यु र चोली
छोरा छोरीलाई खाना र नाना , पत्नीको मागको
बोली खस्न नपाउदै झसङ्ग हुन्छु ।
तीसको कमाईले पचासको खर्च,
बाचुञ्जेल जेनतेन मिलाउनै पर्छ ।
छैन कुनै अरु आउने बाटो
“पोले माथिको फकुण्ठा”े कसरी बस्ला खाटो ।
पल्लो घर कर्मचारीकोमा
मासु सहित मसिनो पाक्छ ।
आफ्नो घरमा सस्तो खोजी
धेरै दिनलाई फारो हुनेगरी,
दिन चर्या केबल चलाउनका निम्ति,
ढिंडो रोटो समाउन
सानो छोरो भान्छा ताक्छ ।
शिक्षा दिई बनेछन् डाक्टर,
प्राविधिक, बिज्ञ, नर्स र इञ्जीनियर ।
ने्ता र मन्त्री अनि राष्ट्रपति ।
आज हेर ती मास्टरको गति ।
बाटोमा हिड्दा सोझो नै चिनिन्छ ।
बोल्दा र चल्दा बिशिष्ट लाग्ने,
निर्णय दिने र समाज निर्माणका काममा,
पहिलो दर्जाको पहरी गुतिन्छ ।
जसरी माझी डूङ्गा तार्छ,
त्यसैगरी मास्टर हरेक वर्ष
सीपयुक्त कालिगढ बनाई छाड्छ ।
विकासका कर्णबीर तयार गर्दै
आफ्नो पसिना सिंञ्चने गर्छ ।
प््रागति गर्छन् सबै नागरिक बढ्छ देशको शान ।
ैकठै बिचरा मास्टर पिरैपिरले मर्छ ।
यात्रीहरुलाई तार्दा तार्दै
पेटभरी खान र एकसरो लाउन ढुक्कले नपाई
अनगिन्ति रोगको भारी बोकी
निरिह यातना भोगी जस्तो
राखेर पीडा मन भित्र दपाई
सुस्केरा हाली बाचीरहेछ,हेर्ने कोही सहारा नहुदा
बिचरा मास्टर,
दयनीय जीवन भोगीरहेछ । दयनीय जीवन भोगीरहन्छ ।।
भरतमणि भट्टराई
श्री रामकोट माद्यमिक विद्यालय
रुपाः ७, कास्की ।
No comments:
Post a Comment